Գինեկոլոգը զբաղվում է կանանց սեռական և վերարտադրողական առողջության պահպանմամբ, բարելավմամբ և բուժմամբ։
«Վիտա Լոնգա» բժշկական կենտրոնն առաջարկում է գինեկոլոգի խորհրդատվական և բուժման ծառայություններ։
Դիմեք գինեկոլոգի, եթե …
◆ Արդեն 14 տարեկան եք, սակայն սեռահասունության նշաններ չունեք։
◆ Արդեն 16 տարեկան եք և դաշտան չեք տեսնում։
◆ Ձեր դաշտանը խիստ ցավոտ է կամ ունեք ցավեր կոնքի շրջանում։
◆ Ձեր դաշտանը շատ առատ է, ոչ սովորական կամ տևում է 1 շաբաթից երկար։
◆ Ունեք քոր, կարմրություն, այրոցի զգացում, տհաճ հոտ, օտար մարմնի զգացողություն, որևէ գոյացություն կամ դիսկոմֆորտ սեռական օրգանների շրջանում։
◆ Կասկածում եք, որ հղի եք։
◆ Ունեք դաշտանի բացակայություն վերջին 3 ամիսների ընթացքում և համոզված եք, որ հղի չեք։
◆ Կարիք ունեք քննարկելու և ավելի տեղեկացված լինելու անվտանգ սեքսի մասին։
◆ Արդեն 1,5 – 2 տարի է, ինչ դաշտան եք տեսնում, սակայն այն դեռևս անկանոն է։
◆ Ունեք հաճախակի, ցավոտ, այրոցի զգացումով ուղեկցվող միզարձակումներ։
◆ Առկա է ինտիմ գոտու վնասում։
◆ Ունեցել եք չպաշտպանված սեռական հարաբերություն։
◆ Կասկածում եք, որ ունեք սեռական ճանապարհով փոխանցվող վարակ։
◆ Ունեք արյունային արտադրություն, որը դիտվում է դաշտանից դուրս, սեռական հարաբերության ժամանակ կամ հետո։
◆ Եռական հարաբերությունը հիմնականում ցավոտ է։
◆ Ունեք հարցեր հակաբեղմնավորիչ միջոցների, ինտիմ հիգիենայի մասին։
◆ Վաղուց արդեն կրծքով չեք կերակրում կամ երբևէ չեք ունեցել հղիություն, սակայն ունեք կաթնային կամ այլ բնույթի արտադրություն կրծքագեղձից։
◆ 35 տարեկանից փոքր եք և արդեն 1 տարի է, ինչ ապրում եք չպաշտպանված կանոնավոր սեռական կյանքով, սակայն հղիություն չի դիտվում (35-ից բարձրի դեպքում՝ 6 ամիս)։
◆ Նկատել եք դեմքի մաշկի, գլխամաշկի յուղոտություն, մազաթափություն, իսկ մարմնի տարբեր մասերին մազերի հավելյալ աճ կամ արդեն եղած մազերի հաստացում, ակնե դեմքին, կրծքավանդակին, մեջքին և այդ ամենն ուղեկցվում են դաշտանային ցիկլի խախտումներով։
◆ Ունենում եք մեզի արտահոսք ծիծաղի, հազի, փռշտոցի, ցատկի, մարմնի դիրքի փոփոխության և ծանրություն բարձրացնելու ժամանակ։
Ավելի հեշտ է կանխարգելել, քան բուժել հիվանդությունները։ Ուստի ժամանակին դիմեք խորհրդատվության, ստացեք գրագետ տեղեկատվություն ձեր առողջության մասին՝ անհրաժեշտության դեպքում նաև բուժում, և բարելավեք ձեր կյանքի որակը։
