Բարձր հաճախականության հոսանքերի կիրառումը ֆիզիոթերապիայի մեթոդներից է, որի հիմքում ընկած է բարձր հաճախականության հոսանքների տատանումների բուժական ազդեցությունն օրգանիզմի վրա:
«Վիտա Լոնգա» բժշկական կենտրոնում բարձր հաճախականության ջերմային թերապիան կատարվում է BTL-6000 Shortwave 400 (Անգլիա) նորագույն սարքավորմամբ։ Սարքն օգտագործում է բարձր հաճախականության էներգիա (մինչև 400 Վտ հզորություն) և ունի մեծ խորության ներթափանցում, այդ իսկ պատճառով ունի զգալի առավելություն ավանդական այլ մեթոդների նկատմամբ (տաք թրջոցներ, վաննաներ և այլն)։ Տեղային տաքացնող և հակաբորբոքային էֆեկտը թողնում է անոթալայնիչ և ցավազրկող ազդեցություն: Բջջի կենսական պրոցեսների ստիմուլյացիան ապահովում է վերքերի արագ ապաքինում, վնասված հյուսվածքների վերականգնում, թարախային պրոցեսների ներծծում։
Ցուցումներ՝
◆ Գրիպի բարդություններ
◆ Քիթ-կոկորդ-ականջ համակարգի հիվանդություններ (կատառալ և թարախային)
◆ Շնչառական համակարգի հիվանդություններ՝ բրոնխիտ, թոքաբորբ
◆ Սիրտ- անոթային համակարգի հիվանդություններ՝
◆ Ստամոքս-աղիքային համակարգի հիվանդություններ՝
◆ Միզասեռական համակարգի հիվանդություններ (գինեկոլոգիական, ուրոլոգիական)
◆ Նյարդաբորբեր, նյարդային համակարգի հիվանդություններ
◆ Հոդա-ջլա-մկանային համակարգի ախտահարումներ
◆ Աբսցես, ֆուրունկուլ, էկզեմա
Հակացուցումներ՝
◆ Հղիություն
◆ Արյան հիվանդություններ (հիմնականում մակարդման)
◆ Սրտի իշեմիկ հիվանդություններ
◆ Չարորակ նորագոյացություններ
◆ Սուր բորբոքային հիվանդություններ (ուղեկցվող ջերմությամբ և դողով)
◆ Թրոմբոզներ
◆ Կարդիոստիմուլյատորների, մետաղական կոնստրուկցիաների, պրոթեզների առկայություն
Բարձր հաճախականության ալիքների կիրառումն ապահովում է՝
◆ տեղային տաքացնող և հակաբորբոքային էֆեկտ
◆ վերքերի արագ ապաքինում, վնասված հյուսվածքների վերականգնում
◆ ֆուրունկուլների և թարախային օջախների ներծծում
Ունի՝
◆ Հակաբորբոքային, հակաայտուցային և ցավազրկող ազդեցություն
