Բիովերականգնում

Բիովերականգնումը ժամանակակից  բուժական մեթոդ է՝  ուղղված դեմքի մաշկի որակի և արտաքին տեսքի բարելավմանը։ Մեթոդի հիմքում ընկած է ցածր խտության հիալուրոնաթթվի հիմքով նյութի բազմակի ներարկումները դեպի մաշկ։ Մեթոդի արդյունավետությունը պայմանավորված է մաշկի խորքային շերտերում ակտիվ բաղադրիչների ներթափանցմամբ։ Միկրոներարկումները ձևավորում են միկրովնասվածքներ, որի հետևանքով սկսվում է  հյուսվածքների ինքնավերականգնման  գործընթացը: Արդյունքում սկսվում է էլաստինի և կոլագենի ինտենսիվ արտադրություն, մաշկը խոնավանում է, կնճիռները հարթվում, ծերացման գործընթացը դանդաղում է: Միջամտությունը կարելի է կատարել դեմքի, պարանոցի, լանջաբացվածքի շրջանում։

Մեթոդը թույլ է տալիս՝

վերականգնել մաշկի խոնավության հավասարակշռումը,

շտկել մանր կնճիռները,

հարթեցնել մաշկը,

պայքարել պիգմենտային բծերի դեմ,

լավացնել մաշկի գույնը և որակը,

նվազեցնել ազատ ռադիկալների քանակը,

դանդաղացնել ծերացման գործընթացը:

Հակացուցումներ՝

անհատական անտանելիություն նյութի բաղադրիչների նկատմամբ,

արյան համակարգի հիվանդություններ, արյունահոսություն,

արյան մակարդելիությունը պակասեցնող դեղամիջոցների ընդունում,

բորբոքային պրոցեսի առակայություն ներարկման հատվածում

(ակնե, դերմատիտ, պսորիազ, հերպես և այլն),

սոմատիկ հիվանդություններ սրացման շրջանում,

հղիություն և կրծքով կերակրում,

չարորակ նորագոյացություններ։

Ցանկալի արդյունքին հասնելու համար խորհուրդ է տրվում կատարել  3-4 միջամտություն՝ 2-3 շաբաթ ընդմիջմամբ: Արդյունքի տևողությունը անհատական է՝ ավելի քան 6 ամիս։

«Վիտա Լոնգա» բժշկական կենտրոնը առաջարկում է բժիշկ-կոսմետոլոգի անվճար խորհրդատվություն։ Միջամտությունից առաջ պացիենտին տրվում է տեղեկացված համաձայնագիր, որտեղ նկարագրված են տեղեկություններ միջամտության, ներարկվող նյութի մասին։

Բիովերականգնում